Gítarkennari óskast
Staða gítarkennara við Tónlistarskóla Bolungarvíkur er laus til umsóknar.
Um er að ræða 25-50% stöðu.
Viðkomandi þarf að hafa þekkingu og færni í klassiskum gítarleik, en þarf jafnframt að geta kennt rytmiskan gítarleik. Ætlunin er að geta boðið upp á fjölbreytt gítarnám og umsækjandi getur því haft bakgrunn í hvoru sem er.
Kennarinn þarf að vera fær í mannlegum samskiptum, hafa ánægju af að vinna með börnum og vera áhugasamur.
Tónlistarskóli Bolungarvíkur er rekinn af Bolungarvíkurkaupstað. Hann er í vönduðu nýuppgerðu húsnæði og vel búinn hljóðfærum og hefur jafnframt góðan aðgang að Félagsheimili Bolungarvíkur til tónleikahalds
Umsóknarfrestur er til 21. júni 2019.
Nánari upplýsingar veitir Selvadore Rähni, skólastjóri tónlistaskólans í síma 8635286 eða á netfanginu selva@bolungarvik.is.
Greitt er samkvæmt kjarasamningi Sambands íslenskra sveitarfélaga við Félag Tónlistarkennara.
Nánari upplýsingar um Tónlistarskóla Bolungarvíkur er að finna á vefsíðu skólans ts.bolungarvik.is.